مشكلة لا صار ضيقي منه وأحزاني عشانه ...

يعني من قل المصايب صاب هذا القلب ضيق...؟؟؟؟
ولا يعني من حلاة الحظ وعلو المكانه ...؟؟؟؟

ذي حياتي من مضيق في مضيق في مضيق...!!!!
لو بحثت الصبر فيني ما اجد للصبر خانه

عادتي لا ضقت ادور حضن وعيون الرفيق
مشكله ... لا صار ضيقي منه واحزاني عشانه

يوم قال : اسمح لي بارجع وانت كمل هالطريق
لازم تقدر ... وتنسى ..ننتهي كل وشانه

قلت صبرك .. يرحم الله والدينك ما اطيق
ماني ناقص فوق جرح اقدارنا جرح الخيانه

حاجتي لك حاجة الايتام .. وايدين الغريق
طالبك طلبه ..تراني اعشقك ..صون الامانه

وراح ما كنه سمعني والتفت لفته طليق
وقال اخيرا ما بغينا ... وللفراق اطلق عنانه

عندها ادركت فعلا قيمة الحب العتيق
وقلت هذي اخرتها ... ما تجاوزت امتحانه

ضيق صدر وجرح قلب ودمع عين ونشف ريق
هذا كل اللي جنيت وما قدرت اجني حنانه

استر لنفسي اعيش بضنك واحزان وحريق
ولا اموت من القهر وتكون موتتنا جبانه

طالما بيني وبين الموت ... ما حاجه تعيق
غير خوفي من غضب ربي وانا مسلم ديانه

لا نويت امسح جميع اوراقي الاولى ..افيق
وانصدم في واقعي المزري وفي قسوة زمانه

مدري كن الحزن فيني شاف له نعم الصديق
مدري يمكن كنت فعلا كفو للحزن وتكانه

والفرح كالثوب لكن يبدو انه ما يليق
دام لبسه لاي خاسر ما وراه الا الاهانه

آآآآه يا حزني ترفق صاحبك جرحه عميق
اشهد انه يا رفيق العمر طيحت الميانه

مثلي مثل اللي يراهن خلق ربي عشيق
والبلا راهن ...ويدري خاسر العشق ورهانه

ويعني من قل الخساير صاب ذاك الشاب ضيق
يكفي لا هالوقت وقته .. ولا مكانه هو مكانه ...

مما راق لي

روووووووووووووعهـ

سسسلمت ـآنـــــآملكـ

تقبل مرؤري

الله يسلمك ويسسسسسسلمو على مرورك

الله يخليكـ يارب

اميييييييييييييين واياااااااااك

» فطاير مشكلة وحلوة ونادرة