السلام على جميع السنافر الحلوين .
كيفكم ؟؟ وش علومكم ؟؟
أبحتسي اليووووم عن شباااابنا المكافح الطمووووح << الله من قله
.. وأدري أنكم تبي تزعلون علي بس ما علي منكم
يعني أبقول الصراحة والصراحة راحة << لاه ؟
واللي يزعل من الصراحة مهب سنفور
عيالينناااا وما أدراك ما عيااااليننا
طبعاً مهب كلهم يعني شلقتن منهم << مهب شلقه أبو شهد لا أحد يفهم غلط
يقوم ولد الذينا الصبح وجفونة طايحتن على عيونه من كثر السهر مع خويااااوه وأمه تقوله ودن لعمك منيرة يقول منب فاضي
أمحق تربية
المهم يقوم الصبح والله يا عيااال يا عليه ريحة قسم بالله تقل انقل
تدرون وراه ؟؟ لأنه راعي شيشة وإلا دخان الله يعافيه ولا يبلانا
لا ونيم ولد اللي منب قايل ولا تروش ولا فرش سنونه
وتلقى بقايا الهمبرقر اللي شرواه البارح هو وخويه رفيق السوء << أووووم الثقافة
إيه المهم تلقى قطع الخبز واللحم ( شكله لحم خنزير بعد )
شاريه من ماكدو .... !! نشبن بالضرس اللي كله سوسه ومتحفر وبراطمه تقل مخباة بنشري سووووداااااء
شطحة : تصدقون عاد يا عيااال إن راعي الدخان يصلح يدخل مزاين البعارين ؟؟
تدرون وراه ؟؟ لأن برطمه طايح تقل نااااقه << خخخخخخخخخخخخخخخخخخ
أجل ريحة الصناااان وووووه وتسبديه
تلقاوه من شهرين ما نتف أبطه شكله جادلن الشعر من طوله
وإلا عاااد اللي وشسمه وعععععععع الله يحوم تسبدك يا القذر
ياأخي اسبح تنظف تروش تعطر يعني معقولة تقعد أسبوع ما وشسمه
همن تسبح ؟؟؟
أبووووك يالقذارة .....
إيه نرجع للموضوع << وأنت خليت به مووووضووع
ولد الذينا يقوم وكل شي جاااهز ثوبه مغسوووول ومتسوي ومعلق بعد
لا والطامة الكبرى نفسه برأس خشمه
نفسن شينة وجلدن مررررروح
عااد أمه يا حول راحمته تقوله افطر يا وليدي
ويرد عليه ولد قريح من شين نفس مااابيه !!
افطر يا وليدي لا تروح على لحم بطنك << قدييييمه
ياحول أمه تحسبه ما أكل شي ما تدري إنه يفطر بالمطعم ويتغدى بالمطعم ويتعشى بالمطعم ويتعشى بالمطعم ويتعشى بالمطعم
<< تدرون وراه ثلاث مرات يتعشى ؟؟؟ لأنه كل ما ركب مع خوي له قال له متعشي يقول لا
ولد قريح والله ما يملأ بطنه ولا مطاعم بريدة كله
إييييييه المهم يطلع من البيت
وأوووول ما يطلع يركب السيااااارة ومعه خواته وإلا إخوانه << هذا تسانه هو اللي يوديهم مع أنه مب الظااااهر
بس يالله علشان ما يزعلون علينااااا السناااااافر الحلوييييين
يشغل السيارة وعلى طوووووووول للمسجل
يا ولد الذينا اصبر طيب إقرأ وردك إقرأ دعاء الخروج من البيت ( بسم الله توكلت على الله ولا حول ولا قوة إلا بالله ) من قالها لا يضره شيء في يومه !!!
لا على طووووول للمسجل أخس يا ولد أم العنزين
إيهييي اشتغل المسجل بشير وإلا فهد بن سعيد ( الله يرحمه ) وإلا عيسى الأحسائي << احلق ركبتي تسانهم يعرفونهم
خخخخخخخخخخخخخخخخخخخخخخخخ
لا لا يشغل مثلاً . أمممممممم ..... أبو نووووره << بلهجة الحجاز
الله يبحطك من سنفور
يمشي شوي شوي همن يااااويلي أخته الصغيرة اللي بثاني ابتدائي قايلتن له الأبلا
جيبي مسطرة وقلم رصاص بكرى .
عاااد ياويلي البنية تحتسي بصوت خااافت مرررررة ...... محمد .... محمد .. << ما يسمعه لأنه منسجم مع أبو نوووره << كره يا هالوجه
عاد تجي أخته ترفع صوته شوي محمد ... محمد ... يرد شين النفس هااااه وش تبيييين ؟
يا ويلي خافت وغاااصت بالمرتبة وبدت تعض أصابعه
أووووم القلب يا حقير
عاااد يتحسف شوي يقول له وش تبييييين << بصوت مرتفع ونبرة حااادة << يقال له رجل البيت خخخخخخخخخخخخخخخخ أوووم التربية يا ........... لب ....
همن ترفع نفسه شوي وتقول أ أ أ أ الأب........... يرد عليه إيييييه وشبه الأبلا ؟؟
أأ أ أ أ الأبلى تقولي ججججججيبي ممممصطره وووووقلم ررررصااااص
وعيناها غارت وأشرفت على ذرف الدموووووع أأأأأأخخخخخخ بس والله لو يطيح بديني لأعلكه علك إن يتادب ولد جيرانهم
عاد يرد عليه طيب طيب لا تزعجيننا
<< وش عندك يا بو .؟؟ ما لقيت لعيالك عشى وإلا خسران بمشروع ؟؟
تسكت المسكينة وتلتفت يمين وتناظر مع القزازة وبكل براءة وبكل أسى وبكل حزن
يا ولد الذينا هنك ترد على حدى خوياك مثل هالرد وقسم إن يغسلك غسل لكن جيدن على هالضعيفة المسيكينة
<< خلك تطيح بإيدي بس أووووف << حمدزت يا عيال وقسم
إييييييه راح وشرى له مسطرة وقلم << هذا الطيب بهم بعد
راح ووداه للمدرسة وراح لمدرسته عااااد شوفوا أوووول ما شاف خويه
الكشرة تقل سحاب من كبره
هلا والله ابو وليد << يقال وليد عمره 17
هلا والله وشلونك وين أنت ياخي البارح ؟؟؟ تبدأ عاااد زين النفس والسواليف والضحك .
إيه والله إني رحت لم شارع النهضة أنا وابو عزيز وشفنا ولد الفلان والله ياهو ناصبن موتره << يالله عااااد تجيك سواليف النصب
إيه شفت راعي الهايلوكس الـ 2011 والله ياهي صح شفت خطوطه ؟؟ << أمحق طمووووح
رن جرس المدرسة للدخول ............................ دخل الفصل و ......................
انتظرونا في الجزء القادم
سنافري الأعزاء ترى مب زعل إلا اللي فعلاً يسوي تسذا وإلا السنفور الحليل مب زعل
سحبايبي
الجزء الثاني :
إيوووه وش وقفنا عليه على على على إييييه صح على :
رن الجرس دخلوا الفصل بدوا يسوووولفون قبل يدخل المدرس قرقرقرقرقر << يسولف مع خويه
دخل المدرس
<< عااااااد وش هالمدرس تسنه بنقالي اللي داخل
ماله أي قيمة الطلاب يسولفون ويضحكون ويعلقون عليه
وهو ما غير يدربية ويكتب بالسبورة بطباشير << قديييييييييم
المدرس : أسكت يا ولد
الطلاب :
يقاله ثقل هالطنيبة << يستهترون به
عاااااد أبو وليد يغمز لخويه
يعني احللللت عليه شي
عااااد ما يصدق هالخبل
يجيك ويحلت على المدرس قلم
يلتفت المدرس بسرعة يقااااااله شدييييد
من اللي حلت القلم
...؟؟؟
الطلاب مسكتين ويتناظرون
أقول من اللي حلت القلم
مسكتين !!!!
يجيك واحد من زود القراااادة ويتبسم
عاااد المدرس طاااح به
قم قم يالله اطلع من الفصل ورح خلك عند الإدارة لين اجيك
الطالب مهب أنا يا استاذ
..... اقول اطلع برى ولا كلمة
الطالب يكررر من الضحك
لأنه أول مرة يشوف المدرس حمدز << دابتن سليمة
إيه رن الجرس وانتهت الحصة وطلع المدرس وهو ما شرح شي صارت شغلته هاللي حلت القلم
الوكااااد طلعوا من المدرسة وراح ينصب سيارته بشارع النهضة ( عسى الله يهديه وإلا ينصب رقبته ما تتحرك )
عاااد ركب مع خويه الخبل الثااااني وبدوا يدورون عند المدرسة الفلانية وبشارع النهضة
وشف ولد الفلان وشف ولد العلان
ويمرون المطعم يبلعوووون
عساهم مره
عاااد صارت الساعة ثنتين ونص الحين .
عاااد أمه تتصل عليه
ترن ترن ترن << يرن جوااااله يناظر الرقم وإلاوه كاتبن ( العجوووز )
أوووم التربية !!
عااد يناظر الجوال ولا يرد
يناظره خوية وراك ما ترد على الجوال ؟؟؟ يقول لا تهمك هذي العجوووز !!!!!!
أخس يا ربايا الشغالات
العجووووز يا حقيررررر ؟؟؟
لكن هين البر دين !!!!!!! تبي تشوفه بعيالك بإذن الله .
يرن الجوال مرة ثااانية
يناظر الجوال ويحتسي على نفسه ( والله ياهي أشغلتنا هالعجوز )
خوية يتكلم معه عن فلان وعلان عاااد شف زوود الأدب يقول لخوية ( عن إذنك شوي أبرد على العجوووز ) !!
ألو وش تبين اشغلتينا ؟؟؟
هلا وليدي وراك ما جيت تتغدى ؟؟ مابيه متغدي وش تبين بسرعة انا مشغول << أووووخس ياللي ما تحك راسك من زود المشاريع
حتى لو أنك مشغول إلى إذانك تسذا ترد على أمك يا حقيييير ؟؟؟
لكن هين الله بالمرصاد يا بزر
قريح ....
يا وليدي أبيك تودين عندي موعد أسنان بالمستشفى الساعة 3 قبل العصر ؟؟
ما أقدر أنا مشغول << شوفوا الحقااارة !!!
طيب يا وليدي يبي يفوت علي الموعد وأنا لي خمسة اشهر وأنا أتحراوه ؟؟
يا وليدي الله يعدي عنك تعاول ودن ..
لا ما أقدر قولي لمحمد !!! أنا مشغووول أقوووول مشغوووول ما تفهمين ؟؟ !
إيه الأميمة يا ويلي ضاااااق صدرة وسكرت السمااااعة وبدأت تصيح وتدعي تقووول : ( يا ربي تهدي وليدي وإلا تهلتسه ) !!
بعذره من القهر اللي به !
عاااد ترى محمد موجود بالبيت ونيم لكن ماوده تشغله لأنه كل أمس وهو رايحن بهم لعمته همن لخالته همن لأخته اللي توه مضنية
همن وداهم للسوووق ولا قصر معهم بس أمه اتصلت على هالحقير ما وده تشغل محمد لأنه كل أمس وهو يطاير بهم !
عااااااد تروح وتقوم محمد من النوم لأنه أول ما جاء من المدرسة تغدى وناااام على طول وهذا محمد حبيب ومطيع لأهله ولا هوب راعي دوران ونصب وخرابيط بزراااااان لا !! هذا ولد صالح بارن بأمه وبأبوه وبأخوانه ( عاااد هذا له موضوع خاص قريباً بإذن الله )
بدأ يدور الحقيرررر مع خويه لين قرررب آذان العصر وداوه خويه للبيت لأنه مخلين سيارته بشارع النهضة علشان يشوفه ولد الفلان همن يقول والله ياهي شي منهي له ذي ؟؟؟
يا سلاااام على التربية والطمووووح
دخل البيت ونفسه برأس خشمة << وش عندك يا ولد الذينا رايحن تكد من الصبح إلى العصر على ظهرك علشان توكل أمك وأخوانك ؟؟؟
إيييه ما علينا رااااح وطاح بفراشه تقل فطيسه لا غسل ولا فصخ ثيابه ناام بنعاله
يذن العصر تجي أمه تقومه للصلاااة << ميت هالبزر فطيسة
يذن المغرب << مثل ؟؟
يذن الأخير يقومونه ولا يقوم ويطلعون من الصلاة ويقومونه ثانية يفز ويناظر الساعة ولاهم لهم ساااعة مصلين الأخير !!
يبدا لجلج عليهم وراه ما قومتون ؟؟؟ يا وليدي قومناك بس ما طعت تقوووم !! عااد هو حمدز مب علشان الصلاااة لا !!
علشانه مواعدن خويه عقب المغرب وسهجة << شفتوا الربايا ؟؟
يقوم ويدق على خويه : هلا ابو فلان معليش تراي نمت وتوي أقوم
!! خويه عااد يرد عليه شف الأسلوب :
لا لا عادي أبو فلان وش دعوى ؟؟ تبي أمرك الحين ؟
الحقيررر : إيه تكفى هذي أتلبس يالله بسرعة .....
يتلبس ويكشخ ويكد الشعيرات ويتلمع تسان بعد ما هنا مكياج
تلقاوه أمه جاي مع الصالة يا وليدي صليت ؟؟؟ يرد عليه إييييه صليت << يا تسذبه ولد قريح
طيب يا وليدي تعال تعش ابوك يبي يجي الحين ....
لا مالي نفس إيييه يطلع يلقى خويه عند الباب .... هلا ابو فلان معليش يا شيييخ تاي نمت وخليتك
لا لا عاادي وشدعوى أركب بس والله يا خابرن لك مطعم يحبه قلبك
يبدأون الدوران كما هي الحال كل يوم !!!!!
لين الساعة 2 أو 3 ليلاً !!
عاااد هذا له عاقبة وخيمة ....
انتظرونا في الجزء الثالث والأخير
سحبايبي
الجزء ( الثالث ) والأخير
جاء الولد الحقير إلى أمه ذااااات يوم وكان وده يساااافر مع خويااااوه عاااد قال لأمه يمه أغسلي ثوبي واتسويه
قالت أمه زين يا وليدي .....
راح الحقير على موااااله اليومي والسربته مع خوياوه ......
طبعاً عندهم عزيمت(ن) تسبيرة ( كبيرة ) وراحت أميمته هالمسكينة للعزيمة ونسيت تغسل ثوبه وتسويه ( تكويه ) ....
جاء الولد العاااق ودخل البيت يبي يأااخذ أغراضه لملم حوائجه وبدأ يدور ثوبه .... وين الثوب ؟؟؟
دوره دوره لقاوه محلوت مع الثياب ..... يعني ما غسل ...
غضب غضباً شديداً
>> زعل ولد خيخي
دور أمه بالبيت ما لقاه سأل أخوه محمد وين أمك ؟؟؟
قال محمد راحت لم العزيمة !
قال الحقير وينهي به العزيمة ؟؟
قال محمد عند خالي عزيز .
طلع الحقير وراح لم بيت خاله عزيز وجاء ولا البزارين
عن الباب يبدأ يصرخ عليهم وين أمي ؟؟؟
البزران خافوا وهجوا لم الحريم .
الحريم .... وشبكم بسم الله عليكم
؟؟ البزران به ولد عمي عبدالله عند الباب يصارخ يقول وين أمي ؟؟
الأم فزت وقامت لمه وهي مسرعة تبي تشوف وش به ولده يا ويلي
..... ما تدري وش يبي يصير له ... !!
الأم هلا بوليدي وشبك عسى ما شر ؟؟
الولد الحقير ..... هماي قايلتس اغسلي ثوبي واتسويه أبسافر مع خوياي ؟؟؟
الأم ياوليدي والله إني نسيت لأن أبوك مستعجل علينا ونسيناوه !!
الحقير .... الله يلعــ ................ ويلعـ ............. اللي جابتس .... تفو على وجهتس
<< تفل على أمه ( الا لعنة الله على الظالمين ) !!
لم يتذكر قول الله عز وجل ( ولا تقل لهما أفٍ ولا تنهرهما وقل لهما قولاً كريماً ) ؟؟
لم يتذكر قول الله عز وجل ( واخفض لهما جناح الذل من الرحمة .......... ) الآية ...
إييييييييه راح الحقير والأم بدت تبكي
.... وتهل دموعها الغالية التي والله لو ووزنت بأموال وكنوز الدنيا لن تزن قطرة واحدة من دموعها !!
حسبنا الله ونعم الوكيل ...
طبعاً الأم دعت عليه في تلك اللحظة ... لأنه فعل هالحركات الحقيرة حركات العقوق على أصوله أمام النساء وأمام البزارين !! ولو كان لحالهم لايجوز له ذلك ولكن تكون الإهانة أكبر حينما تكون أمام الناس !!!!!!!!!!!!!!!!!!!
راح الحقير وغسل ثوبه بالغسال وتسواوه وركب مع خوياوه وسافروا .....
طبعاً الأم أنغثت وأنقهرت وكل هاك العزيمة صارت نكد بنكد عليها !!
بدأ الجمع بالسواليف وتبادل الضحكات وذلك للتخفيف على أم العاااق !!
ولكن كل المحاولات باءت بالفشل !!
فأمه منزلت(ن) راسها وساكته وكل شوي تهل دمعتها !!!! أخخخخخ يالقهر
سااافر الحقير وفي نصف الطريق تحصل الكارثة !!! طبعاً الوقت متأخر من الليل !! وسهرانين وناصبين أول الليل بشارع النهضة وسافروا وهم مواصلين !!
نااام السائق وهو يقود بسرعة كبيرة والركاب أيضاً !!
انتبه السائق وإذا بسيارة كبيرة متعطلة في الطريق !!!!!!!!!!!!!!!!!!!!!!!!!!!!!!!
اووووووووووو << صوت فرامل !!!!!!!!!!!!!!!!!!!!!!!!!!
صدمت سايرتهم بسيارة ( تريلة ) من الخلف وانقلبت السيارة على جانب الطريق !!
تتعالى الأصوات ويبدأ الصراخ والنياح !!
صالح ..... فهد ..... خالد .... الحقير .....
طبعاً وقفت بعض السيارات المارة من نفس الطريق ....
بدأوا يخرجون المصاب ويغطون المتوفى .....
الأنين والصراخ يتزايد خصوصاً حينما يرى الصديق صديقة في حال يرثى لها !!!
بدأ الكل يسأل عن فلان أين فلااان أين فلااان ؟؟
جاء رجل من السيارات المسعفة وسأل أحدهم .... كم انتم ؟؟
قال له نحن ثلاثة ... !!
التفت الرجل ولم يشاهد إلا إثنان فقط !! هذا والآخر متوفى !!!! طبعاً معه ( ضواية ) مصباح صغير !!
بدأ يبحث ويبحث وإذا به يرى منظراً بشعاً فصد عنه من بشاعته !!!!
ماذا رأى ؟؟
رأي هذا الحقير وقد دخلت زاوية الغمارة ( التندة ) مع بطنه وخرجت من ظهره !!!!!
طبعاً لا حيلة له في هذا !!!
تركه لحين وصول الدفاع الدني والإسعاف !!
وصل الدفاع المدني وأخرج المصاب ونقلهم لأقرب مستشفى .
خضعوا للفحوصات وللإسعافات الأولية وتم نقل الآخر إلى مستشفى المدينة لأن حالته خطيييرة جداً !!
طبعاً اتصل المستشفى على أهل الحقير في وقت الفجر ....
ترررررن ترررررن ترد الأم ألو ...... ألو .... المتصل من المستشفى كان يأمل أن يكون من يرد على التلفون رجل !!
اسكت الرجل !!!! طبعاً ليس هناك خيار آخر إلا أن يقوم بإفادتها عما حصل ..... لأنه لا يوجد معهم سوى هذا الرقم وهو موجود في جوال الحقير ومكتوب ( ( بيت أهلي ) !!!!
المستشفى : ألو السلام عليكم ...
أمه .... وعليكم السلام يا وليدي من أنت وليدي به شي ؟؟؟ طبعاً قلب الأم يحس يا اخوان والله إنها ما نامت هاك الليلة تسني اشوفه بس تتقلب متوقعة إنه يبي يصير للحقير شي !!
المستشفى : هذا منزل الفلان ؟؟
الأم إيه يا وليدي هذا هو .....
المستشفى : معكم مستشفى ألـ ..................... وولدكم عندنا والحمد لله ما به إلا العافية بس إصابات بسيطة نبي ابوه يمرنا الصبح بدري ....
الأم صدمت ....
طيب يا وليدي اقد اكلمه لا يا امي الولد ممعنوع من الكلام !!!
الأم عرفت إن الوضع خطيير !!
سكرت السماعة وهي تبكي ..... شوفوا قلب الأم وشلون حنين شوفوا رحمتها على هذا الحققييير !!!!
طبعاً راحت وقومت ابوه .....
عبدالله ... عبدالله .. نعم نعم وش فيه قم الله يعافيك اتصلوا مستشفى الـ ............... وقالوا أن الولد عندهم وحالته مهب زينة ..... !!
الأب : لا حول ولا قوة إلا بالله إنا لله وإنا إليه راجعون !!
خرج الأب وركب السيارة وذهب لذلك المستشفى !!
وصل المستشفى راح لم الاستقبال سألهم فلان الفلاني عندكم ؟؟
قالوا له نعم في العناية المركزة !!
انصدم الأب !!!
راح سأل الدكتور ... السلام عليكم دكتور الولد وش فيه عسى مهب تسايد ؟؟
الدكتور ... طمبس .. !!
يسأل الأب مرة أخرى هاه يا دكتور إيش فيه ؟؟؟
الدكتور بدأ يوعض الأب بالقضاء والقدر وكلمة منه وكلمه من الأب ..... طبعاً الأب توقع أن الولد توفي !!
ولكن الفاجعة أكبر !! نعم أكبر من الموت !!
طيب يا دكتور وش فيه الولد ..؟؟؟
الدكتور : الحقيقة الولد حالته حرجة جداً ولو سلم من الوفات فإنه ............... فإنه .......... فإنه .......... !!
الأب : فإنه إيش يا دكتور ؟؟؟
الدكتور : فإنه ............... حيكون معوق طول حياته !!!!!!!!!!!!!!!!!!!!!!!!!!!!!!!!
لا إله إلا الله ............... لا حول ولاقوة إلا بالله .....................
يعني وشلون يا دكتور ..؟؟
والله الولد طابته حديده على عموده الفقري في هذه الحالات حيكون مشلول !!
إنا لله وإنا غليه راجعون ..... !!!
طبعاً وبعد عدة أيام رجع الولد لوعيه وبدأ ينادي أمي أمي أمي .........آلأن بدأت تتذكر أمك ؟؟؟
أنسيت ما فعلت بها ؟؟؟؟ لكنه العقوق !!
طبعاً كان الأب عنده .... هلا وليدي الحمد لله على السلامة وكان الولد يبكي فقط ولا يحرك سوى لسانة وشفتيه فقط ولا يستطيع الحركة بتاتاً !!!
يبه وين أمي ..؟؟؟
أبوه : بالبيت يا وليدي .... بدأ يبكي بكاءً شديداً مراً ..
يبه ودي أشوف أمي ..؟؟
الأب : ميخالف يا وليدي لا طلعت تشوفه إن شاء الله .....
لا يبه ودي أشوفه الحين ....
ممنوع يا وليدي ....
بدا يبكي ... ويبكي .. خلاص يا وليدي تبي تشوفه إن شاء الله .....
لا يبه أنا أخطيت على أمي ودي أشوفه ..... وش أنت مخطي عليه به ؟؟؟
أنا يبه تفلت بوجهه قبل اسافر علشان ما غسلت ثوبي !!!!!!!!!!!!!!!!
صعق الأب وعرف أن ما أصابه بسبب ما عمل مع أمه !!!!!
خرج الولد بعد عدة شهور إلى منزله ومازال لا يحرك سوى شفتيه !!!
تضايق الولد كثيراً بسبب ما اقترفت يداه !!
ووضع له شغالة تغسله وتنظفه وتشيله وتحطه !!
وسيبقى على هذا الحال إلى أن يأخذ الله أمانته !!!
زوجوه ولم ينجب عمل كل المستحيلات ولم تنفع معه !!
انتهت القصة ...
ولكن هل بعد ما قرأت هذه القصة ستعق بوالديك ؟؟؟
الخيار لك إذاً ....
إما العقوق ... ومصائب الدنيا .. والآخرة ....
أو البر ... وخيري الدينا والآخرة ...
فأي الطريقين ستختار ؟؟؟؟
أستودعكم الله الذي لا تضيع ودائعه ...
وإلى اللقاء في موضوعٍ آخر .....
سلااااااااام ....
